Gaurtik igandera bitartean, HARAGI, Haragiaren eta Txingarraren Nazioarteko Topaketa izango da Tolosan.
Asteburu osoan zehar dastatzeko eta gozatzeko aukera izango da. Jaiak bi gune izango ditu: alde batetik, Zumardi Txikia, topaketaren gune nagusia, eta, bestetik, Triangulo plaza. Janariez, edariez eta musikaz gozatu ahal izango da.
Zumardi Txikian izango da ekitaldi nagusia. Oria ibaiaren ertzean, 5 Foodtrucken pintxoak eta zuzeneko musikaz gozatzeko aukera egongo da.
Zer dago Foodtrucketan jateko?
- EKOTALO: talo gorria, talo beltza, talo horia
- Barriola: saltxitxak, gilda, pulled pork takoa
- Goya: Premium hanburgesak
- Ama: kroketak, patatak, oilasko-mokaduak, masail-brioxea, albondiga-bokata, gazta-tarta.
- BASQUETRUCK: Angus hanburgesak, begetala, sekretua.
Jai giroa ostiral arratsaldean 18:00etan hasiko da eta gauerdira arte luzatuko da. Larunbatean, festak egunaren zati handi bat hartuko du, eguerditik 00: 00ak arte. Igandean, 12:00etatik 16:00etara irekiko dira postuak.
Pintxo onak jateaz gain, zuzeneko musikaz gozatuko duzu:
- Ostirala. Mambo Fango vs. Global Funk DJak (19:00)
- Larunbata. Deñe (12:00), Filipe Bittencourt (15:00), Mugan (20:00) eta Moonshine Wagon (22:00).
- Igandea. DJ Makala (12:00).
Zer egongo da Zumardi Txikiko ekitaldiaz gain?
Trianguloak ere zuzeneko erakustaldiak edo showcooking-ak hartuko ditu larunbat goizean, 11: 00etatik aurrera: bertako eta nazioarteko parrilleroek haragia erretzeko teknikak erakutsiko dituzte, eta, ondoren, erreak dastatzeko aukera emango dute:
- Florentzia Abella (Eksdet, Stockholm): behi haragi zaharra parrilla geldoan erreta ikatz- eta belar-txingarrarekin, burdinazko flambadoiarekin.
- Pablo Rivero (Parrilla Don Julio, Buenos Aires): arkumeak erretegian chimichurri-arekin pago-egurrarekin eta artearekin, 6 orduko errearekin.
- Txomin Parrilla (Euskadi): smoker teknikarekin eta horretarako sortutako sagardo botila formako parrilla batekin, Txominek 8-10 orduz erreko du, txahal saiheskia alde batetik eta txerri burua bestetik.
Txingarrak piztu dira eta Tolosan usain goxoa dago iada. Ziur nago, gainera, hau irakurrita gosea zabaltzen ari zaizula, gaur arratsaldetik aurrera pintxo onenak jateko zain gaituzu!